Panela Solare e Vakumore

Paneli solar vakumor për ujë sanitar është një zgjidhje efikase për shfrytëzimin e energjisë diellore në përgatitjen e ujit të ngrohtë sanitar. Falë teknologjisë me tuba vakumorë, sistemi është projektuar për të absorbuar dhe ruajtur nxehtësinë në mënyrë efikase, duke ofruar performancë të mirë gjatë pjesës më të madhe të vitit.

Tubacionet vakumore ndihmojnë në reduktimin e humbjeve termike dhe në shfrytëzimin sa më të mirë të rrezatimit diellor, edhe kur temperaturat e jashtme janë më të ulëta. Kjo e bën panelin të përshtatshëm për shtëpi, vila dhe objekte të ndryshme ku kërkohet një burim ekonomik dhe i qëndrueshëm për ngrohjen e ujit.

Paneli mund të integrohet në sisteme të ndryshme të ujit të ngrohtë sanitar dhe ndihmon në uljen e konsumit të energjisë nga burimet tradicionale. Konstruksioni i qëndrueshëm dhe funksionimi praktik e bëjnë atë një zgjidhje të përshtatshme për përdorim afatgjatë dhe për kursim të energjisë.

Produkti ofrohet me 15 vite garancion për defekte që lidhen me produktin, sipas kushteve të garancisë. Garancioni nuk mbulon dëmtimet e shkaktuara qëllimisht ose nga faktorë të jashtëm, si goditjet me gurë, breshëri, stuhi, kushte të rënda atmosferike apo fenomene të tjera natyrore jashtë kontrollit tonë.